7點3開車長距離移動去Hallstatt, 3個半鐘車程, 途經Linz喺油站休息咗10分鐘, 到達Hallstatt搵埋竇口搞晒嘢已經12點, 有半日時間可以去環湖, 出動去高薩湖啦。 竇口係呢度3樓 出露台曬太陽正喎 由於上面係屋頂, 所以竇口有斜CUT 露台景唔錯, 去環潮先, 今晚返來慢慢嘆 山上都有屋, 有少少似以前香港木屋區 食咗2件呢啲包, 算幾好食 湖邊餐廳好似幾正咁不過夜晚唔開, 日頭掛住去玩所以冇試過 呢度中午超多人 跟時間表等巴士, 因為一帶整路所以唔係太準時 Hallstatt Gosaumühle巴士站一帶都正, 不過今日目標唔係呢度 轉車去高薩湖, 理論上呢2架巴士會互相等埋先開車 竟然冇乜人坐車 高薩湖係尾站, 時間充足可以玩埋登山纜車健行 如晨早到高薩湖, 可以健行3個點, Vorderer Gosause, Gosaulacke, Hinterer Gosausee單程約7km全山路, 快腳可以半日來回, 遠方山上面係Gosaugletscher, 中文名我估叫高薩冰河, 現在冰河牆已經退到上2000米以上, 就快玩完 小食店位於順時鐘方向環湖入口, 我選順時鐘方向 中午後順時鐘方向環湖的話, 太陽會係對岸落山 下午如果想拍攝順光相可選擇反時鐘方向環湖 藍天白雲冰河紅葉冇得輸 吊車站方向 見到山友會互相打招呼 無風情況下水就係鏡面, 今日有風 去到湖尾UTURN位, 水位低可以行落去玩, 有城門水塘FEEL 呢度直爆入去可以到Gosaulacke, Hinterer Gosausee(要攀升500米高度), 我UTURN 過咗UTURN位凸然大雷雨冇得避, 唔理咁多繼續上路, 沿路見山友們有大有細有BB有狗都係照頭淋濕晒唔理 10分鐘停雨出太陽, 好在戰衣防水濕唔晒入面 助手有遮同埋防水罩更加唔驚 環湖8成路程就返到起點 落完大雨咁快又好天, 對岸係順光風景 除咗環湖仲有其他健行路線 見到有DRINK WATER不過冇試 望多次冰河, 搵過資料係去得到上面 呢個裝置俾你睇到冰河後退狀況 純情小鴨鴨 又開始落雨, 入去食住等巴士 消滅炸魚手指薯條星球人 消滅炸薯條腸星球人, 全部都係炸 食完都未停雨, 好彩行得快 落雨冇地方搞直接去等車 回程都係冇乜人 今次準時開車 開車又出太陽, 加送彩虹 彩虹邊的乳牛 彩虹村 唔好講嘢返去隊紅酒 求其超市見到HALLSTATTSEE紅酒就買, OK喎又平 入黑前落街拍攝, 呢度係Central Square教堂前近碼頭, 18點過後已經冇乜人 返回主目錄