Dachstein, 5 Fingers, Ice cave Hallstatt一早一晚冇得輸, 企圖5點起身出去睇日出景點知多雲冇嘢睇。Dachsteinbahn足夠玩1全日時間可能唔夠, 盡早去坐頭車有著數。 呢度出名多雲, 已有心理準備 晏少少都係一樣 日出位都係多雲, 放棄 坐車去Dachsteinbahn 坐頭班車預全日時間招呼呢度, 首先去買All inclusive全包飛, 出示Hallstatt入住咭有著數, 記得帶埋去 全包飛到手即刻去等登山吊車 時間早仲未有逼爆情況 係呢啲雲搞到睇唔到日出 完成第1段吊車, 想睇洞穴要喺窗口預約時間, 不過直爆第2段吊車先, 返轉頭再睇洞 西人短衫短初褲去雪山健行 又再見到點解睇唔到日出 完成第2段吊車, 已經身處1900幾2000米山上 睇裝備山友應該係想去跳崖 沿路有說明書睇 餐廳都未開 第3段吊車啱晒入山健行, 全包飛都可以坐 第3段吊車明顯少人, 因為真係去健行先坐 等咗一陣又有一批人上到來 為咗閃避外星人耳目, 扮瞓係可行方法 踩落好鬆散明顯係新雪 都話咗山友想去跳崖啦 凍咗1晚路面結冰未溶 呢個位有唔少人跣低, 地球保衛隊都中招跣咗落底 通過冰考驗之後就輕易到達5 FINGERS 等咗2個字成功拍攝冇人情況 正下面係Obertraun, 見到Hallstätter See, 左邊就係Hallstatt 山友真係跳咗落崖 如果怕高行出去finger尖都幾驚, 有finger係玻璃底添 唔驚你, 逐隻手指試 玻璃底自拍要抆住, 玻璃好濕跣咗落去就奶嘢 調查完5 FINGERS原路返回 仲有人喺度糾纏於冰之考驗, 夾硬爆上山避咗佢仲好 路面深色一撻撻就係冰跣到PK 2000米高度結冰都好合理 又有山友跳崖 唔行大路直接上去螺旋平台 呢度見到都係山 雪山景好掂 助手突然被外星人偷襲 地球保衛隊都唔例外, 需要直昇機支援 最後外星人逃去無蹤, 可惡呀 點算損失後發現戰衣爆裂 補一補氣先 地球保衛隊敗走 再走Mammut Cave, Ice Cave路線 去窗口預約Mammut Cave, 途中路線上落不大, 慢慢行15分鐘去到洞口 內部就係咁, 有導遊講解, 燈光比較黑所以冇拍攝, 值得睇 再返去窗口預約Ice Cave 窗口個哥仔話15分鐘要去到洞口就可幫我約即場, 我話冇問題佢好似唔信咁款 出發上山 都係斜路冇咩難度 8分鐘KO咗, 都唔使15分鐘 都係上咗100米左右唔係好多 洞口已經好多人等緊 oh ship~ 仲有10分鐘先開場, 比哥仔點咗, 早知慢慢行 內部有大約500梯級, 都係向上行 Ice Cave燈光比較好, 可以拍攝到 呢個位仲有燈光效果添 望落吊橋下面好深 Ice Cave出口位置比入口高 睇晒2個洞想食嘢, 餐廳已cut order唯有直接落山, 點知壞吊車 壞吊車搞咗20分鐘, 落到去走咗巴士要等半粒 等到吊車站都關門 日落前返到Hallstatt 睇到日落景 去呢檔買小食乜都冇晒得返烤雞 烤雞星人照殺 食完雞去睇月出, 今晚月圓好光 死心不息天未光出露台睇星 落街等睇日出 今日好似有料到咁 總算冇雲遮住又有少少色水 撤退去下一站 今日好好天喎 有太陽係唔同啲 準時上巴士 轉車去Salzburg 返回主目錄