PRAGUE 大半年前收到線報, 歐洲有外星人活動企圖侵略地球, 地球保衛隊又要保衛地球, 儲齊彈藥首先去布拉格視察環境了解情況。 地球保衛隊駕駛戰機出動, 坐10個鐘坐到囉柚痕都未到, 外星人真係可惡 去銀聯標誌ATM提款 大聲講10次我愛你, 另加99CZK手術費就有錢 收埋咗架戰機之後改坐巴士, 如身上冇散銀就喺呢度買飛 1野買72小時冇得輸 巴士站都有飛買, 入銀仔或者轆咭 記得去打飛機打咗飛先 巴士上面都有最後機會打飛機, 如查飛捉到你冇打飛就罰錢 打飛機打完會有時間日期記錄 去搵地球保衛隊秘密基地先 去到秘密基地門口 當然冇咁易, 再要城市定向, 揸住呢張線索加埋口講手指指, 都一樣難我唔到 通過呢度先 再轉呢個路口 開咗呢度門 開埋嗰度門 通過呢度再去開門 同時開2度門 上樓梯就見到房門 開埋度門終於到秘密基地, 真係好秘密 72小時就係呢度過 泰式午餐OK好食, 抵玩 坐電車出動 教堂有可疑要去調查 入面冇乜人, 多數都係掛住影相 冇線索走人 改用行路方式調查各地點 呢度全部屋都係咁上下款 圍晒咗, 一定有古怪 圍晒咗都仲有人望下望下咁, 多數有蠱惑 原來連儂牆被外星人搞事後封咗 反共星人同愛國星人互片之後變成咁 偷偷地入去睇冇用, 以經花晒, 不過一向都係好花 冇幾遠另一牆都有外星人互片痕跡 連儂PUB反而冇事 本來想食呢度但好多人煲煙, 撇咗 上樓梯就係Charles Bridge 巧多人呢 橋下面條細運河有大力水手企街摟人坐船玩 應該係坐呢隻船 塔樓可以付費參觀 一街都係人好難搵到外星人下落 我認為架車全日都係停死係度 排長龍搞咩嘢? 發現周圍都有卷卷包星球人, 仲要加雪糕 見到好多人用共享滑板車 四圍觀察之後又要搵食 點解咁多人鍾意坐出街食野 試呢間坐出面捷克菜, 夜咗冇太陽曬會凍, 全靠熱燈同埋件披 飲杯能量補品補下氣先 打擊捷克式豬手星人, 豬手星人太強大同佢隻揪唔掂, 2揪1都未必得 助手成功打擊1/4隻捷克式烤鴨星人, 比埋貼士齊頭900, 即港幣300, 抵玩 買枝捷克紅酒飲下, 巧酸, 一定係外星人做咗手腳, 可惡呀 早上出街調查, 比較涼但人少 冇人阻住如果有外星人出現一定捉到 都係搵唔到線索, 去食早餐先算 秘密基地有自動波早餐, 鍾意食咩都得 地球保衛隊鍾意吔包, 包好食 芝士第二好食 聽講地鐵有好多扒手星人出沒, 好多人中過招, 地球保衛隊今次出動睇下捉到幾多件先 地鐵冇閘所以冇得跳閘, 要買飛自己去轆咭 入口都係有打飛機, 買咗新飛記得打咗先 落到地底人都唔多個, 邊有扒手星人 得2,3兜友等車, 車入面都唔多人 坐幾個站收隊 鐵站廁所要收錢 Můstek站出瓦茨拉夫廣場 時間太早未開檔未有人坐街 一舊一舊人咁, 估計係旅行團 廣場真係好大, 間中有車行 老勿都冇乜人 街上隨處都見到外星人留低記號 坐電車來都可以 用共享滑板車來又得 留意咗好耐, 幾乎每張櫈都有人坐緊 再行前少少有博物館, 飛咗 行去布拉格車站望下 布拉格車站入面是紅色的 布拉格車站地面是一間一間的 布拉格車站出面條樓梯是旋轉的 旋轉樓梯頂原來係停車場, OH SHIP~ 唔怪得助手喺度睇熱狗檔唔上來啦 原來要通過車站底行過去先入到去 調查布拉格車站完畢冇線索 繼續搜索 冇入猶太教堂 黑色嗰舊叫火藥塔, 白色嗰舊係食嘢 望過Farmers Market都係賣花咁 通過火藥塔 望落好正咁款, 問咗店員可以拍攝, 估計好甜冇幫襯 係呢間, 有興趣可以記低 見到噴泉仔, 即係到咗Old Town Square Old Town Square全日都係咁多人 午餐時間餐廳多數爆滿 見到吹波波星人係度搵食 比錢就吹波波1次, 唔止自己玩仲益埋街坊 熊仔星人都喺度搵食 天文鐘可付費參觀 天文鐘免費區去到3樓為止, 可以上去望下窗口景觀 入面廁所免費, 唔知點解男廁冇人 哈維爾市集 哈維爾市集食咗兜生果,算靚不過酸酸地 大多數賣記念品同埋小食 等到過咗午飯時間冇咁多人先開餐 坐路邊, 如受外星人攻擊方便逃走 補一補氣先 助手KO捷克式豬肉星人 打擊意式生牛肉星人冇難度 100%摧毀包星人 又見卷卷包星球人排長龍咁. 相當囂張 冇晒食力暫時放過你先 沿路行都係好多食嘢 唔覺意行到Charles Bridge, 再行多次 Charles Bridge例景 橋上都有例位 人人經過都要摸呢件嘢, 唔知有乜功效, 會唔會係同外星人有關呢? 好多人圍觀尿尿位, 現場睇正好多 順便探下天鵝座星球人 佢哋一味問人攞嘢食, 好煩 兜返過對岸 拍攝老城橋塔 伏爾塔瓦河扒舟都幾爽, 下次試 仲有時間, 去飲啡等日落 返河邊睇日落, 今日冇色水, 麻麻 去例位拍攝 拍攝Charles Bridge一帶夜景後撇退 晨早5點探測到外星人活動, 球保衛隊立即追捕, 太遲啦, 大廈已被外星人打至扭曲 扒舟原來係去呢度搞 由天黑追到天光 外星人可能坐電車逃走咗 追到Charles Bridge都冇外星人蹤影, 只見晨咁早就有人影緊結婚相 最後被外星人逃脫, 激氣呀 追捕外星人路線圖 調查聖尼古拉教堂 又冇外星人線索 上山再搵城堡區 爆樓梯上去 因為落雨所以冇乜人 打開窗就變路邊熱狗檔 行過Loreta門口冇入去 入去布拉格城堡要過安檢, 入面比較多人 St. Vita係目標對像 入面好似MK咁多人 入咗付費區就要跟路線行, 中間唔可以入 要跟外圍兜圈 如兜完圈唔夠皮可以再兜圈 出返來, 發現仲有塔頂未去 爆樓梯直上啦 爆完樓梯大多數人都會坐咗喺度 同埋一定要出去望下 最多都係20樓, 都唔算高啦 上來先有全景睇, 如果唔係落雨就好 呢件機關就係塔頂個大鐘 由塔頂撤退再去聖喬治大殿, 呢度聲稱布拉格城堡區內最古老建築 望落冇乜大裝修過 落雨搞到座位濕晒, 食熱狗算數 去睇埋Golden Lane 內有外星人科技, 張椅真係好拮, 坐上去唔知點呢 以前打外星人就係用呢啲, 所以輸梗 我估以前住喺度要行去窗口睇書 呢間冇窗仲大鑊 古代劏房, 冇廁所廚房 最後睇埋黑塔就撇, 順路落山見到大舊人影相唔使講一定係觀景台 樓梯都有大一舊人影相 又有表演睇 暫時都未發現外星人線索 去咗食下午茶, 飽到成晚冇再食嘢 係時候要轉移陣地繼續追蹤外星人 返回主目錄