Zugspitze - 來到楚格峰 唔上一場空 慢慢食完早餐, 上午用作長距離移動, 由Berchtesgaden去Garmisch-Partenkirchen需要BLB轉M再轉RB, 消耗4小時22分, 一路坐車一路望住個天都唔知上唔上山好, 已安排Garmisch-Partenkirchen酒店, 如果天氣唔好就唔上山瞓醒走, 希望聽日好天, 最後見到一啲嘢決定出動。 Berchtesgaden Hbf候車室, 有家鄉雞食 就算BLB地區電車, 入面都係好靚仔 一開車就有人查飛 轉M車之後情況一樣, 一個站都未到就查飛 德鐵執行得好嚴, 車飛冇效要罰款之外仲會被趕落車, 我見住有人被查飛員叫GET OUT 今次為左試驗簽卡買飛, 用電話買Handy Ticket, 唔使入PIN成功購買, 另外可以用PAYPAL, 有PAYPAL戶口就得, 只要出示電話電子車票, 查飛人員用SCANNER掃就知有冇效, 驚收唔到網路, 事前SCREEN CAPTURE定都得 都係買拜仁邦邦票, 購買時輸入所有人名就會響電子車票度出現 第一次來到München Hbf 真係好大, 有30幾個月台, 轉車都行咗幾百米 到達Garmisch-Partenkirchen, 一望埋山邊好似陰陽路咁, 大鑊 唔理得咁多去搵竇口先, 有乜聽日再算 房間及窗外環境 走廊及樓梯 Garmisch-Partenkirchen係一個小鎮, 不論上山定滑雪都必停此地 落街行下, 市面都算幾熱鬧 好多賣食同記念品 都有好多登山用品店, 價錢幾合理同埋幾好款 但係山上面都仲係陰陽路 簡單晚餐 買咗包呢啲, 都幾好味, 不過我唔鍾意其中一款椰子味 第朝起身望出窗仲係陰陽路, 條氣唔順用電話搵山頂LIVE CAM有大發現, 即刻出動 見售票處LIVE CAM同電話一致, 決定買飛 速速磅唔好兩頭望45歐一位 陰陽路之猛鬼車站, 冇人的 飛已買, 如果個CAM係放錄影片段就奶野 過咗8點越來越多人, 9成人去滑雪, 呢2個我估去登山 陰陽路之車站一吻 頭班齒輪軌列車, 開8點15分 滑雪用具可以放車外 放車內亦可 EIBSEE站可以選擇落車轉吊車, 又可以唔落車繼續齒輪軌列車上山 我揀坐吊車上山, 列車落山, 出站後行過少少係吊車站 呢度好好多, 唔再陰陽路 每班吊車都可以塞成百人入去 吊車一嘢過將你由998米吊上去2962米, 一睇就明 呢個空間用來俾乘客等吊 排前頭搵到個窗邊, 開車 原來係山下面陰陽路, 山上面冇事 吊得好快, 越來越近山頂 旁邊景物開始由樹變成石頭 好似飛咗上天咁樣 到頂, 忍唔住去觀景位影相 自拍團友 寄信團友, 0.9歐可以由山頂寄香港 出去室外觀景台, 條柱就係德國最高點 試過搵方法行上去但總係淆底, 算啦夏天先好上 圖解封晒雪要撥走先見到, 直接望到奧地利同意大利境內高山 0下10幾度超級大風 跟住就係瘋狂雪山景 西南方向可望到瑞士境內高山 戰友都開始封雪 另一邊又有個觀景台 Zugspitze橫跨德國奧地利, 所以一邊由德國落山, 另一邊可由奧地利落山 好多人簽名 玩夠就坐吊車去滑雪場 滑雪場乜都有 又有餐廳 拎杯啤去外邊飲就幾時都咁凍 場地好靚, 見到好想玩埋一份 唔識滑雪都可以坐雪兜, 場地咁大好易玩 冇裝備冇時間, 四圍行下當玩咗 山上有小型教堂, 滑滑下雪都可以去見耶穌 神秘嘉賓 山上自拍點可以缺少 午餐時間去玻璃屋嗰間餐廳 2000幾米山上面食熱辣辣PIZZA同埋飲啤, 非常大件2個人食到飽, 最特別係價錢同山下面分別不大 玩到夠皮坐齒輪軌列車落山 真係有齒輪軌 列車落山要先通過長隊道, 到出口已經見到雲海 穿過雲海又回復陰陽路狀態 返到EIBSEE, 如有時間可以去游湖, 冬天結冰可以選擇飛 1200米以下都係咁樣情況, 如果來到見到咁樣唔好放棄, 用電話或者去售票處睇LIVE CAM再講 返到起點車站已經2點 下一站Füssen, 時間仲係早可以選擇唔同移動方式, 最快方法係火車去奧地利轉巴士, 但係要等晏啲先有車覺得唔夠穩陣 見德鐵有即班車, 又係買拜仁邦票 今次係RE轉RE轉RB, 用售票機印好時間表, 坐早一班車去München Pasing行下超市 見到個SCREEN就知冇上錯車 德鐵列車廁所非常之正又乾淨企理 冇奇怪氣味 離開Garmisch-Partenkirchen時, 遠望先知係咁樣, 上高啲真係可以望得遠啲 唔知點解老麥同家鄉雞咁平 轉車已經開始天黑同落大雪, 好在冇去奧地利等巴士 最後一轉車點 原來去Füssen係柴油車 出站行幾十米就搵到竇口, 地點好方便 設備都唔差 團友食完PIZZA唔想出街, 簡單晚餐搞掂 竇口規矩, 煲煙煮麵打邊爐都要罰款 返回主目錄