暢遊天鵝堡 一定要趁早 諗住富森過一晚可以食完早餐9點前出發, 避開由慕尼黑過來人潮, 原來都係好多人, 冇計到有旅行團, 總之越早到就越多時間可以安排, 唔好太晏, 可能會冇位。 一晚雪之後變成咁 爭取時間, 簡單早餐, 酒店早餐幾好食 Füssen Hbf前, 78巴士9點15分班次 單程2.3, 來回4.6, 蠢咗, 應該分2次買, 咁就唔驚唔見張飛, 仲有一樣蠢咗, 等最後講解 坐screen附近一定識落車, 見到好多人落車跟住落亦可以 大半車人都係去天鵝堡 望上去就見到新天鵝堡 唔需要睇指示牌, 跟住人行 一定要去售票處買飛, 城堡門口冇飛賣 買飛前就要決定參觀幾多樣嘢, 之後補飛就浪費時間 如果唔介意英文定普通話, 同票務員講中/英都得, 可能安排到較快時間入場 電視機展示各頂目票價 於富森住宿會有折扣, KING TICKET好似係平3歐 買咗KING TICKET, 可參觀高天鵝堡及新天鵝堡, 唔包巴伐利亞博物館, 9:40買飛已經排到10:40同埋12:55 指示充足唔會迷路, 注意售票處去新天鵝堡要上山, 雖然唔係好甘, 一般人慢慢行都要預1小時 地面冇晒雪都照鏟 望見湖邊好似好得意, 參觀完高天鵝堡再去 需然只係上少少山, 但中間位都有地方休息 練習瞓公園 售票處去高天鵝堡唔夠500米路程, 唔到200梯級, 正常行10分鐘搞掂, 唔想上樓梯可以行後面斜路, 但距離較長 團友簽名 停低玩雪都係活動之一 有記念品商店 高天鵝堡廚房 兜斜路上來就呢度入口 對飛如果輪到就自動波入閘 閘口冇人看守, 插飛就入得, 參觀過程不準拍攝 參觀完行斜路走, 順便去ALPSEE湖邊 行斜路都係活動之一 湖面結晒冰 行出去挑戰下, 唔夠薑太遠, 如果插咗隻腳落水就有排凍 唔知有冇人試過行過對面岸 又有練習瞓公園場地 唔玩太盡, 因為要上山, 預早出發去新天鵝堡, 呢間屋前係馬車站, 可以坐馬車上山, 但要預埋人多等車 太多人等馬車都係用腳行, 全程上坡, 要爬升120米高度約1.5KM路程, 唔係好難 途中望到高天鵝堡 團友話上山好難行, 叫我打遊記時一定要叫人坐馬車 馬車就係咁, 2隻馬拉12個人 馬車去唔到尾, 落咗車都要再行一段路先到, 個人建議坐1次馬車, 行1次路, 上定落自己揀, 因為沿路風景唔錯, 坐馬車睇唔到嘢 仲有20分鐘一定趕得切 仲係要上 終於到咗, 團友話想死 閘口係後面要再行多幾十米 又係自助對飛入閘, 參觀期間不準拍攝 出口可以拍攝, 呢度係新天鵝堡廚房 房間環境 新天鵝堡模型, 睇完2個堡覺得舊時啲國王好蠢, 住得咁細又向上起, 上樓梯上到暈, 2個天鵝堡內部裝修, 裝飾擺設手功同壁畫都好靚, 值得買飛參觀, 整體上唔錯 飛咗記念品商店行呢條長走廊撤退 沿路落山 見好多人排小食 買來試下, 好味架, 冇奶嘢 團友咁辛苦行上來, 坐馬車走啦, 車費落山3歐/人, 上山6歐/人 Cappuccino配Cappuccino餅撞晒味 插過呢架機器2嘢冇料到 行去巴士站, 係路中心嗰度 大隻字寫住唔會錯 等車時間佢已經完全清理好晒條欄 本身想拍攝雪花但放大率唔夠, 搞成咁 坐雙層列車去慕尼黑 今次唔買邦票, 改用allgäu地區票, 作用同邦票一樣只係區域冇邦票咁大, 來住富森慕尼黑可用, 據聞allgäu區域票可以用埋allgäu聯盟內巴士, 即是來回天鵝堡巴士免費, 蠢咗應該一早買慳返巴士錢 到達慕尼黑好快就搵到竇口, 於Hbf附近 窗外環境 即刻冷街搵食 步行方式Marienplatz方向前進 只係7點幾睇落條街冇乜人 唔通太過凍? 慕尼黑市廳 闖入咗Donisl食德國餐 啤酒先行 服務員非常好, 叫一份豬手一份沙律, 佢主動問要唔要SHARE, 仲幫手1開2, 我問佢可唔可以拍攝佢話隨便影 團友食親呢啲都會好飽食唔晒 食完返去瞓, 聽日去羅滕堡 返回主目錄