貝特斯加登 靚到爆晒燈 中午機到慕尼黑, 決定一嘢爆去Berchtesgaden, 去到已經入黑, 出車站見到周圍唔似樣走去問人, 有人話行馬路可以到酒店, 最後信GOOGLE, 行小徑上山唔需要兜大圈, 好快搵到竇口。 德鐵車票系統計算比較複雜, 今程車選擇買邦票, 試過香港信用卡失敗, 因為冇PIN, 不能就咁入ENTER亦唔係0000都唔係提款機密碼, 最後入現金了事, 遲下會整德鐵車票教學, 如何破解簽卡障礙, 車票上一定要寫全名, 查票時如果冇寫名當逃票計, 每人罰60歐元起跳 坐S8去OST站轉車 由S-Bahn轉M-Bahn, 第1次坐德鐵當然會影相, 小妹妹一見我拎起相機就走出來, 呢啲行為有個名, 叫Photobombing 下午4,5點太陽開始落山 搵到酒店前一刻拍攝, 車站於山下邊, 抽住行李上來難度唔大 Hotel Vier Jahreszeiten Berchtesgaden, 經典舊式酒店, 聲稱由1876年開始營業, 有地方曬太陽同有桑拿房, 不過我冇玩 浴室 古老門鎖 客房坐椅 正常大床 飲用水要買, 每支2歐, 未夠7點落街行下, 除飲食外其他都收晒工, 餐廳又冇位, 要BOOK 8點 BOOK咗竇口對面希臘餐廳, 叫2個主菜同2杯啤, 送沙律 主菜一次過到, 外觀好得, 燒魷魚同燒牛肉 牛肉成塊由頭到尾都係咁靚冇過熟 完成晚餐食飽返去瞓 第2日早上邦票失效, 用酒店免費提供交通卡, Berchtesgaden範圍內巴士任坐 巴士都跟足時間表, 記得影低 第1個行程Lake Königssee(國王湖), 巴士841直到, 唔夠20分鐘車程 Lake Königssee, 因為太早, 由慕尼黑殺埋來大軍未到, 所以場面好似冷清 有充足指示, 又可以跟住人行 我估呢舊係雪人 跟指示一直行到盡就見到湖邊 咁早竟然咁多人坐爆遊湖船? 原來係旅行團, 見到船就快開, 買飛坐即班 順利上船又搵到窗邊位置 點正到爆燈唔解釋太多, 有相 去到1個位船突然停咗, 有船員抆出喇叭向外面吹, 然後就聽到回音, 再然後就連同船長拎頂帽出來收1歐羅小費, 唔俾都冇問題 繼續開船 冬天船只開到紅洋蔥頭教堂, 冇得再行入山 需然冬天都會有人入山遠足, 但冇裝備都唔好夾硬來 紅洋蔥頭碼頭一景 開船回程, 回程坐另一邊窗 聽講解國王湖好少全部結冰, 回程時撞中少量冰 另一架觀光船 山邊個十字架係有人安上去 到終點了 團友搵船長合照 上岸總結, 國王湖全年都值得去 呢度啲雀仔又係唔驚人 自拍棍好受歡迎, 好多人都揸住 團友到此一遊 另外2個團友話咁樣做有益健康 開始見到多人, 小店都開門 見到有小食就試下, 幾好味 香腸包 離開國王湖返到Berchtesgaden站 去超市望下有乜補給品 啤酒好抵呀 上午多雲, 中午無端端見到藍天 仲有半晝時間, 想去鷹巢但冬天唔開, 於事去Ramsau(藍紹)行下 用唔同方式拍攝Ramsau小教堂 拍攝Ramsau小教堂最佳例位就係企住人呢度, 最好上午去有順光 話明過來行下點會走數, 向Hintersee方向行 就係咁樣一路行 見到行山路線, 飛~ 一路係咁行 車見到有人行緊會避開去對面線 仲有3KM路程, 團友話驚驚 前面灰晒有大雪來緊 放棄行返轉頭等車 半小時空檔用來飲咖啡 坐車返到竇口都天黑, 去超市買菜食同埋買啤 天然雪櫃非常有效 年初一新年快樂 簡單晚餐後瞓覺 一早起床參觀酒店 走廊及樓梯 聯誼室 酒店大堂 以為係乜原來係賣煙機 窗外景觀變咗水墨FEEL 燭光靚早餐 一連2日都咁正 交低交通卡撤退 填咗5星星俾酒店, 向下一站出發 返回主目錄