倫敦市內 農曆年長假期執到平飛, 實行歐洲2個城市移動計劃, 先停倫敦3日, 再飛慕尼黑玩8日南拜仁邦。 第1次到倫敦, 整體上覺得市區環境熟口熟面冇乜驚喜同香港差唔多, 分別係多咗西人少左華人, 講英文, 同埋物價較貴, 用地鐵周圍去難度不大, 只需望下地鐵站個牌就得。 2人出發, 行李腳架器材夾埋32KG 國泰服務唔係啲人講得咁差, 2餐都好食 11個鐘瞓唔著, 靠秋香姐同埋山西布政司佢哋 飛到去倫敦開始日出 因交通繁忙要兜一陣圈, 拍下倉外照片 到達立即劈馬沙包 買蠔卡, 原來機唔食50磅紙 50磅大紙要去排隊買 蠔卡到手再R多張TUBE MAP(有次問人邊度有TUBE入口佢唔明, 講UNDERGROUND就明) 車廂睇落好古老 每個站都冇幕門似以前香港 有啲站只得樓梯, 電梯非必然 上午8點, 去架步先, 好多建築物都係咁款唔認得邊間, 最後行過龍 行返轉頭終於搵到, 寫晒名都睇唔到 放低行李去街, 附近街景係咁款 由竇口步行去KENSINGTON GARDENS唔使10分鐘 呢度好正, 連續3日都來呢度玩 有人騎馬行埋來, 原來公園有馬路, 唔係車行嗰啲馬路, 係俾馬行嗰啲泥路 一路直行就到咗HYDE PARK 睇下幾咁正, 令人感到腳痕 Speakers' Corner有人好多fans 冇fans唯有自吹 行經Marble Arch再到Oxford St. 肚餓, 見有得食就走入去 開頭以為包場, 但半個鐘後坐晒人 黑啤先行 叫炸魚薯條同烤雞, 4塊麵包好大份食到好飽 去King Cross站睇蝦你波凸 排長龍影相有乜咁堅? 行去龍頭望下極之搞嘢, 咁都排長龍 原來影9又4份3月台, 借埋條頸巾俾你, 數123掉起影, 自己影免費, 註場攝影師要收費, 決定唔排鬆人 去London Bridge望下, 普通石屎橋冇特別 再步行去Tower Bridge 見到戰船可以參觀, 行去望下, 收費唔平, 飛~ 望到Tower Bridge 響一帶遊咗陣先再過橋 參觀London City London City睇落同Kowloon City差唔多大, 內有真人表演 參觀則邊教堂 入面有個鬼鼠石室 去馬沙超市望下, 檸檬平過香港1半 pizza都算抵 天黑晒之前返到竇口 格局唔錯應該係舊樓活化, 房間都好, 服務滿意 早上窗外景 起身第1件事去公園止痕 0度氣溫加少少太陽適合練習 太陽出晒光線開始黃轉白 地上雪粒仲未溶晒 飲水機老點, 冇水出 瞓公園係指定訓練項目 冬天都仲睇到落葉 香港就來冇晒呢啲玩 見到牌指住Dianna噴泉, 今日唔去住 去電話亭影相, 入面勁尿味, 邊個入去閂門頂5分鐘我請飲黑啤 小練6K止咗痕就算, 唔可以餓親團友 返去沖涼食早餐 每次早餐都劈2杯Cappuccino 由竇口提供自助方式早餐, 每位7英磅算合理 去白金漢宮睇換班 人山人海又封路又唔可以行埋去 又有差人望住晒 決定唔逼埋去, 企路邊執雞算數, 都叫睇到 封咗路仲行出去, 就會被差人指引 換完班解封, 人都散咗啲, 可以埋到鐵欄睇, 發現有個牌點人去買嘢 走咗9成人之後現場環境 如果冇呢度門, 唔知啲人會唔會入晒去 申個鏡入去拍攝應該冇事 守衛幾森嚴, 唔只企度, 每隔一陣會行來行去 其實呢啲先係真守衛, 揸槍架 外面廣場環境, 有啲人坐度煲煙, 幾好FEEL 唔知係唔係外面長期有隊馬巡來巡去 倒車都有班人圍觀, 倒完仲拍手, 當睇表演 中咗呢度圈套, 失守咗 買完嘢行公園, 個琴係用腳踩, 當係DDR咁玩就得 公園好多小動物, 全部唔驚人 相機隊到埋去都仲望住晒 呢堆跟住晒要嘢食 成地都係雀, 好懶惰淨係行來行去唔飛, 等到1隻飛已經算好彩 舊泥頭好好味架咩? 由Buckingham Palace通過St James's Park就到邱吉爾博物館, 冇入去睇 勁多人排冇等 參觀Admiralty House 撞正Horse Guards換班 自拍都可以好開心 揸刀呢個可以任影, 揸槍嗰個不能, 因為問過佢 騎馬都可以影相, 總之唔好搞揸槍嗰個 Downing Street有大閘只可出面行下, 埋唔到去10號 有講過坐雙層巴遊車河, 最後唔記得咗 包住嗰舊我估係大笨鐘 呢件好似叫Westminster Hall同西敏寺外觀類似 有鐵欄唔俾入 隔住個閘望入去都係關咗門 西敏寺大執緊 行去搵London Eye 鎖住晒係度又如何? 咁樣望埋去好多都裝修緊 London Eye 排到咁冇可能玩得到, 除非好等得 影幾張相當玩過就算 見到有得坐街邊就試下, 炸雞件數多又有大量薯條, 搞到夜晚都唔使食 食飽去行百貨公司 唔覺意行到天黑 仲好飽, 去超市買生果同菜食算數, 原來有公仔麵 晚餐就係咁 晨早起床又去止痕 今次單拖可以玩快啲, 去參觀Diana噴泉 去咗Paddington 又起多條機場線? 共享單車比香港貴, 20磅半個鐘, 但都見好多人用 類似香港公屋設計 練完幾K就返去食早餐 今日去博物館, 首先排大英博物館 外面同入面都好多人 主力睇佢撻咗幾多中國同埃及嘢 成個區都係逼爆人 撻人啲棺材返去開俾人睇 死屍都有 木乃牛之前真係未見過 輪到睇中國嘢 玩埋佢啲記念品 玩完走人 午餐時間專登去Borough Market食街頭嘢 呢間排長龍, 飛~ 周圍都有坐位俾人慢慢搞 劈咗1打蠔, 即刻撬 門口環境 蠔算係幾好味 士啤多梨幾好睇, 不過我唔鍾意食 場內大量檔口, 令人選擇困難症 冇理由食大包, 1個搞掂食唔到其他 燒豬睇落掂, 買 師傅接單即刻整 團友1個食咁大舊 我搵到個靚女師傅, 識得整鹹牛治 大件過團友嗰件 午餐後去自然歷史博物館, 又排長龍 最特別係長電梯入口 同埋鯨魚骨個大廳, 成個館都係逼爆 天黑前去唐人街參觀 路經m&m店, 全部都係m&m 搵到入口 有啲似廟街 聽到佢講廣東話 打邊爐都可以係景點 訓完一覺去機場, 機場垃圾桶咁樣設計幾好 早機太早食唔到竇口早餐, 呢啲頂上, 倫敦玩咗3日夠晒皮, 下站慕尼黑 返回主目錄