雜項 行程結束要搵方法走人, 先去MVV買機場火車飛, 去機場有好多種飛選擇, 如果用機買可能會好亂, 所以去櫃位買 買完跟住個S行就得 唔好以為有飛就得, 要去打飛機啟用 打飛機會將即日日期印響頂部, 咁就已經啟用, 如果冇印日期, 查飛時就會當逃票 跟住S字落月台會發現2邊都有機場車, 呢邊S8 反方向係S1 2邊都冇所謂只要有飛機公仔嗰班車都可以到機場, 睇邊架快有車, 車程都只係差無幾 望住S1開走, 唯有上S8, 點知S8線訊號故障要中途停駛, 全部落車 立即去DB app度研究下, 原來真係停駛 乜都唔知當然跟住當地人冇蝕底 搞到成村人排機巴, 死跟之下都算係排龍頭 冇幾耐又多一班人由火車站走出來, 好多人好擔心, 四圍搵的士 團友想搵的士時救星到, MVG派咗巴士來, 連續2架, 我排龍頭冇死啦 撞到2個香港妹妹仔, 坐同一班飛機走, 都係一齊上車啦 呢程巴士幾特別, 當係活動之一, 有少少緊張, 但係我預早4小時出發仲有時間 後面另一架都爆埋 巴士未到機場已經見到S8整返好行緊 到機場仲有時間多出來, 但已經唔夠時間俾團友去買嘢 帶幾多來帶返幾多走, 冇乜大出入 先坐BA飛倫敦, 事後睇返原來BA呢程係open, 趕唔到可以坐下班, 班次都密 練訓機場打發時間 時間多冇嘢做, 幾廿蚊都好, 可以練下點樣退稅, 好過坐度等 先去呢度排隊吸印, 如果冇人就按鐘即該有人走出來 唔知咩情況下先要睇貨, 可能我太少嘢10秒搞掂 吸好印成堆拎去找換店呢度VAT REFUNDS 填好晒佢, 最好填晒佢, 信用卡號都填埋就冇甩轆 入晒信封隊落去等唔知幾時收錢 呢隻SIM平靚正用唔晒, 1G只係用咗一半 實體車飛留念, 奇怪係有一張冇人查過飛 有支付寶但係支付寶香港未用得住 慕尼黑啲共享單車都係四圍放 回程國泰餐都幾好食 返回主目錄