德鐵購票經驗 德鐵車票系統比較複雜, 同一行程可能有幾套車票及不同票價, 有啲可以坐IC/ICE, 有啲只限RB, RE, M, BLB, 區票可於地區內任用, 邦票可以邦內任用, 詳情可於德鐵網站了解, 現在主要分享拜仁邦票(Bayern-Ticket)及Allgäu同盟地區票(Regio-Ticket Allgäu-Schwaben)購買經驗。 Regio-Ticket Allgäu-Schwaben適用於München, Füssen, Augsburg, Lindau, Ulm之間地區, 比邦票平, 由慕尼黑去富森, 包括富森天鵝堡巴士 於實體售票機選英文, 識其他文字亦可選其他, 起點已預設本站唔使入(如預購可以改其他起點都得), 再輸入目的地, next 選單程定來回, 我估多數遊客都唔會買月票/週票, next 選幾時出發, 通常Immediately, 如果預購就自己定日期, next 揀同行人數, 15歲以上大人票, 6-14歲同行免費, 0-5唔使買飛, 狗都有得揀, next 有冇BahnCard? 選No BC, 我估多數遊客都冇, next 畫面會顯示所有offer, 正常會選最平嗰個, 除非有特殊喜好, next 28歐呢隻就係Regio-Ticket Allgäu-Schwaben, next 有冇儲分? 選冇, 我估多數遊客都冇, next 對好晒就科水, pay 一係入錢一係入信用卡 入信用卡通常會死於冇PIN(PIN唔等於0000, 唔係安全碼, 唔係提款機號碼, 唔係間間銀行卡都買到車飛), 最後入錢解決 實體票到手記得寫名啟用, 以護照為準, 查票員見到冇名當逃票 實體票可以留念, 同埋唔需要承受簽卡差價 輪到講解用電話App買Bayern-Ticket(拜仁邦票), 先下載DB Navigator做埋登記, 輸入起點同目的地, 時間日期同埋同行入數, 按search 選擇班次 出offer畫面後選擇票價, 正常會選最平嗰個, 除非有特殊喜好 揀Bayern-Ticket 揀Ticket/Reservation 閱讀條款有冇問題, 拜仁邦票25歐1人起跳, 每加1人6歐, 上限5人同行, 啟用當日9:00-第日03:00有效, 星期六/日/假日全日有效, 可於拜仁邦內任用S,BLB, RB, RE, M, DB Bus(不能坐EC/ICE/IC) 輸入同行者全名, 以護照為準 選科水方法, 我揀信用卡 輸入信用卡資料 科水完成就會有Handy-Ticket, 俾個電話查票員掃就得 驚收唔到電話訊號可以預先screen capture 同時有e-mail俾你, 可打印出來當車飛又得, 不過我估冇人咁做, 但當地人真係會打印 電話App買飛好處係有啲車站冇售票機, 只有人手櫃位, 人手櫃位會收2歐手續費, Handy-Ticket就可以解決呢個問題, 同時解決信用卡科水死於冇PIN可入 返回主目錄