走人之前有半日時間, 又係冇計劃隨機搵近近地行街八掛下。
例牌要支持東橫早餐
見到大相機有班人等開門, 被吸引咗過去結果係消費
話晒都奶假鏡, 即買即用
隊埋松屋咖哩飯
唔知點解去咗巢鴨商店街, 街口間鹽大福好似幾得但係食完飯冇耐好飽, 行入少少會見到另1間元祖鹽大福唔知邊個正
條街感覺上有少少昭和年代但又唔昭得晒
有人話呢度係老人家原宿但唔係好覺
走入超市望, 國產牛好抵不過冇買
山梨產麝香提子即係香印都抵食
行入少少有雜貨店, 五金店
食品店都可以一件一件散買價錢又平, 街坊懶煮飯可以走幾間每樣買1件就當一餐飯
一番賞唔係間間LAWSON都有得賣, 旺區係搵唔到
ときわ食堂每日刺身餐係有FANS
雷神堂個燒餅硬到要搵雷神之鎚先扑得開, 有人話好鹹
甜品店刨冰都幾吸引
食晏時間是但搵檔嘢食F射餐
最緊要配埋合費水, 叫咗2合(1合=180ml)
2個人食5000yen出到門口
食完飯穿入民居大方向前進行路去池袋
呢檔係唔係隱世美食? 位於大塚南某橫街
通過東京都唯一路面電車, 都電荒川線
望住池袋白色碌嘢行一定冇甩轆
一蘭竟然都仲有人排
通去池袋站西口條隧道執到靚晒
步行路線
坐京成電車瞓一陣就去到機場, 專登唔做網上check in來排隊等就係為咗來向櫃台買行李同埋搏下有冇得一齊坐
買20KG實際用10KG都冇, 求其搵環保袋用錢解決咗佢算
呢張收據真係幾型, 收6500yen算可接受
隊咗小食
我哋行緊去閘口被姐姐見到叫咗我哋上車, 人見人愛車見車載就係咁解
免費的
呢合嘢富士山都冇得賣, 機場都唔關事反而有
睇落幾好食又配合行程, 買
櫃台姐姐安排我哋一齊坐緊急出口, 正明乜都唔理去到先算理論係work
行程感想:
佛系玩法冇景點又或者度度都係景點, 要隊友配合唔係個個人都頂得住。
由5合目巴士站接吉田線登富士山難度不大, 如果有玩開香港山賽就應付到有突。
網上資訊講到好似好兇狠咁但唔需要驚, 最驚只係有高山病但人人唔同冇得預計, 上到一定高度條氣唔順就要鬆人。
裝備方面唔想煩就租, 盡量唔好帶冇用嘢上山, 帶太多只會自己玩自己。
由上5合目巴士開始, 自己製造出來任何垃圾要自己帶走, 最後都係帶返酒店慢慢分類。
返回主目錄