外星人逃去無踪, 搞到隊員晨早出動追捕。
本身預計要追7:30巴士冇得食早餐, 酒店竟可因應要求開早15分鐘, 鶴雅WINGS早餐幾OK
人多就自然慢, 退房都退咗15分鐘
仲有專人開車送隊員去巴士站, 形到爆炸呀
順利上7:30巴士
2小時車程, 中間都係著瞓咗
達到釧路首要任務去搵魷魚同飲品
和商市場最就腳, 順便去探幾年冇見瀨野商店
見到魷魚唔理咁多就要
快速成交
花咲蟹唔貴但冇時間食
飲品都準備妥當
返車站等SL
車飛冇掉, 用來留念
原來SL已經到咗站, 大家都去影車頭相
係咁噴黑煙都係走開啲有著數, 隊員掛住影車頭相全身都煤炭屎
影埋車尾相
SL呢種交通工具速度比較慢, 要有耐性
上車立即隊啲魷魚去燒, 太大霸晒個爐添, 負責搞火爐個哥哥都忍唔住影魷魚相
唔知邊個買咁大隻, 凸晒出來
幸好有隊員醒帶咗較剪, 咁就易處理好多
乘客都好熱心幫手, 事關我哋燒完魷魚就輪到佢燒魚仔
地酒慶祝係必需的
全車大食會幾熱鬧呀
地球保衛隊X金龍戰隊, 車掌先生, 火爐哥哥合照
終於送走你班百厭星
去船仔探索路途中遇到鹿
上船之前大家都要著定戰衣
出發啦隊友
船仔係要自己撐
想快就要大力啲
慢動作搜索睇下有冇外星人出沒
船仔哥哥係後備動力同埋負責轉向
幾型呀
巡咗成粒鐘都冇收獲添
咁唯有派出鷹眼CCTV長時間監視啦
點知唔夠5分鐘就偷懶離開崗位, 都係信佢唔過
呢個慢慢舟活動真係堅正, 一定有下次
慢慢舟路線圖
塘路湖都結冰冇得再去
乜都搵唔到激氣呀, 隊員係咁插啲冰洩忿
最後要返上岸
好啦, 等車去第度再搵過
細細個車站有細細個煲煙位, 企2個人就爆
SL返轉頭
川湯溫泉到達
入住名湯之森
整體上舊款啲, 房間企理
窗口向樹林, 露天溫泉就係呢個景
晚餐時間, 一字排開
一人有2個火鍋
其中1個火鍋入面係煎雞, 估佢唔到添
另外燒牛肉呢個一睇就知
食到呢度真係好夠飽, 冇投訴
夜晚去睇鑽石星塵, 遠望好似流流地咁
雪柱燈
一堆都係
有埋相機位, 冇腳架都唔驚
仲有呢度
鑽石星塵呢? 唔好意思, 被外星人破壞咗
已經流到冇得再流仲要破壞埋主題項目, 外星人真係可惡
返回主目錄