踏入豬年, 新年流流唔去打外星人住, 玩一日先算, 食早餐就出動
新年恭喜大家發財, 長玩長有
利用2日巴士任爆劵
坐巴士去川湯溫泉JR站等巴士
JR站門口等上車, 得2班車, 0830同1040
以路線巴士運作, 坐位先到先得, 人多的話就要企位
先停硫黃山
警告牌寫100度蒸氣又有熱水噴出, 但見唔少人申手觸摸
未埋到去已經聞到味
兩個地星人正在示範如何觸摸
如果冇咗陣味, 有啲似茶樓點心部, 係咁蒸嘢
近啲睇呢隻黃色都幾靚, 同我件衫一樣色
長期都好大煙, 行埋啲就睇唔到個天
呢個位最多地星人企圖觸摸
跟住來到屈斜路湖砂湯
今次白鳥飛來地冇白鳥
只見一堆冰沖下沖下咁
近睇都幾得意
冇人幫襯免費足湯
逗留一陣再上巴士
摩周JR落車再等巴士
求其行入去八掛一下, 咁都撞到雷朋三世列車
上另一架巴士
今日摩周湖全藍天冇白雲
去到好遠山後先有雲
有人話摩周湖全景唔係咁易見, 今次見到
但係今日大風, 睇唔到湖面天空鏡
湖面又未結冰
欣賞緊湖光山色時, 冰河突然以鑽石星塵拳偷襲, 地球保衛隊意料之外中招
另一邊亦受到冷如冰寒如雪 西門吹雪攻擊, 隊員唯有撤離
返去浸摩周站前足湯
就係咁樣一路等巴士
求其亂闖午餐
啤酒先行補返氣先
食埋吉豬飯SET就去坐長途巴
目的地係知床
於知床八景其中之一小休一陣
雙美瀑布結咗冰, 得返少少
慢快門可拍攝倒瀉豆槳
上落要好小心事關超級滑
入住知床第一酒店, 入門口就請飲凍檸水, 分明攞景
大堂頂個日落正喎
大堂有圖書空間
有幾櫃漫畫任你砌
房間都冇投訴
最後一次自助方式晚餐開波
食咩野唔講咁多, 全係個人喜好, 求期影下
最重要挑戰項目亦係最出名食物, 首先去搞碗飯
流冰咖哩
藍色架, 我不入地獄誰入地獄, 結果係堅正, 有病醫病冇病強身, 切勿錯過
地獄咖哩之後去知床流冰Festival
冰咖啡室
主建築群就係呢堆
離開主建築群有觀星位
雖然相機影到但係眼睇冇咁多
火爐邊有好多吹水位, 但係凍到黐孖筋情況下係唔會有人吹水架
入去冰酒吧望下
入錯咗玄冰宮添
迷宮咁款又冇路牌
最後都俾我搵到酒吧不過夠鐘要走人
返回主目錄