近來外星人肆虐, 地球保衛隊再次收到外星人企圖侵略地球消息, 又要出動拯救地球, 展開東京都調查。
今次帶5KG裝備應該能夠對抗外星人
由晴朗的黃昏時段出發
竟然唔記得帶水, 冇辨法之下只可用錢賄賂機倉服務員幫我解決
機倉服務員幫我搞咗提子汁返來, 私人醒埋花生添
好在5KG裝備跟身, 唔係趕唔到尾班車要行路
3個字唔夠就上到去竇口, 如果行路要9個字
周圍收晒檔, 去7仔食餐旦治
羽田東橫早餐包幾正, 拍得住品川
琴晚冇緣坐佢, 今日都冇
地球保衛隊隊員冇乜錢喺身, 只能用分數換訓一晚
今日調查對象係外星人基地, 經過3小時大肆搜掠都係冇線索
台风12號逼近, 天氣專家開始流傳幾多點關門, 幾多點冇車, 隊員信以為真撤退先
地球保衛隊隊員並沒有浪費時間空著等, 食住等先係皇道
咩野叫空著等, 就係咁樣囉
電視度見到新聞報導員好驚咁, 寫埋晒啲避難情報, 隊員立即動身避難
5樓避難所雖然黑暗咗少少, 但應該非常啱隊員作短期避難
轉眼之間台风12號走咗鬼, 隊員出動慶祝, 其實都吹唔正, 白白避難咗
上次外星人假扮海鮮慘被地球保衛隊擊殺, 今次再冇假扮海鮮鳥
姐姐都解釋, 呢度咁多款海鮮從未試過係外星人假扮
OH SHIP~ 頭先去錯避難所, 應該呢度更加好
悲痛莫明之下, 化悲痛為食麵, 忘記唔開心嘢
長時間作戰一定要飲水, 但係點解500ml會賣得貴過2L?
早餐又去隊啡
坐窗口可以一路食一路監視外星人活動
跟蹤外星人來到呢度又比佢混入人群走甩咗
追蹤10分鐘來到呢度冇收穫
只見海邊有大量地星人聚集, 9里咁長點追
拎塊嘢出來睇下引唔引誘到外星人先
拎出來1分鐘唔夠就比隊員搣爛晒, 2分鐘後消失咗, 計劃失敗
今次拎舊青色屎出來試下引誘外星人, 忍唔住自己食咗, 計劃失敗
外星人應該唔會咁蠢走去跳海
長谷寺門口個人話要比錢先可以入去調查
咁遠追到來到都冇辦法唔比啦
個海又係9里長, 點追
以為追到外星人, 竟然唔覺意追咗鬼妹
今次來到就順便睇下地球保衛隊留係度個佛系機動鐵人戰力如何
點知操作員狂篤REMOTE, 佛系鐵人都唔肯過來著鞋
仲長期坐響到冇反應, 講到明佛系都估到佢係咁上下, 搞到隊員企咗響度
放棄佢, 去補給先
既然鐵人幫唔到手, 試下去求神睇下有冇出路
有出路, 不過要上好多樓梯先
OH SHIP~ 冇出路架原來, 要落返去
搵到鐵人2號線索, 爆鐵過去
落車就見到鐵人2號鬼鬼鼠鼠咁斜睥過來, 好似好猛料咁款
下!! 原來只得上半身, 咁咪好似自護號咁囉
仲係冇手添架, 算啦, 機械人都係靠唔住, 自己來先最實際
趁今晚隅田川花火大會, 寫幾個粗口射上天挑釁下外星人先得, 去到鐵站好多地星人
行出地面都一樣好多地星人
都仲未天黑
舊年來過, 係公園霸定位最後落雨飲恨, 今年試下跟大隊行路
吾妻橋開波前15分鐘咁樣狀態
開咗波, 大隊會分隔成一批一批, 跟指示牌行
跟住就係四圍望四圍影
過咗吾妻橋已經鬆動晒, 雖然仲有得繼續但唔再跟隊
大會一帶都係封路, 所以好多地星人走出馬路睇
今日追查外星人冇結果散隊, 隊員各自去威
試過行路睇同霸位睇, 個人認為行路比較好, 同時清楚睇晒1,2號會場, 只不過比較逼人, 霸位要一早去, 睇唔晒2邊但可以嘆足2小時
隊員一早集合, 要去地球保衛隊長野秘密基地, 坐車坐到個囉都爆, 落街抖抖
仲塞車添
秘密基地喺山區度
隊員肚餓去食麵, 炸蝦先行, 通通被消滅
長野最拿手係呢隻麵, 再被消滅
食完麵兜醬油, 加少少湯飲埋, 好電~
麵檔內部
整麵時可隨便參觀
麵檔外觀
來到地球保衛隊秘密基地
一箱箱果啲係用來打外星人秘密武器, 基地內部有好多機械人行來行去咁, 唔可以公開
又話秘密基地, 而家扯晒旗咁張揚, 都係走為上著
網路流傳今個月水蜜桃當做, 不過引我唔到
又要坐返幾粒鐘車出城
坐到囉都爆又要出街抖抖
日落時段拍2野先記得冇帶相機, 得電話喺身
夜晚以大塚站做據點, 搜查外星人下落
見到有外星人踩緊單車, 隊員到場佢即刻閃
地球保衛隊也不閒著, 叫啲小食沖喜下先
隊員再要補充足夠能量
能量充足開始追捕外星人
由大塚站跟荒川線向西一直追
經池袋站
無敵家得幾個人排好少見
外星人走得好快, 追到目白站都未追到
追入橫街小路, 人影都冇隻, 越來越黑暗
搵返山手線出來
高田馬場站, 成身濕晒好熱
新大久保站
追到去新宿
趕尾班車,放棄追捕, 激氣, 咁都被外星人走甩
追咗9公里食白果
今日一早出去, 原來琴晚獨力追捕外星人係多餘, 地球保衛隊已將外星人吊打
就算未打嗰啲都已經吊緊
市民都準備開PARTY慶祝吊打外星人
慶祝項目都係同吊有關
既然完成任務, 去原宿睇下女仔同埋望下有冇嘢食
搵咗半粒鐘只有1個女仔睇下, 其他都係姐姐
選擇困難甜品店, 每日食1款都要3個月先食得晒咁多款
呢間龍虾包好似有電視節目影過, 冇試
參觀生化危機日本場景嗰度
估唔到呢度都有得吊
求其搵間食午餐, 奶嘢, 唔好食
幫隊員托件咁嘢上車, 9KG簡直行李殺手
我仲有手尾要跟, 夜晚先走
有啲想挑戰佢, 最後放棄
摩利支天分明係外星人, 呢度一定係外星人基地, 今次地球保衛隊隊員當睇唔到, 下次冇咁好彩
放棄食大肉腸就係留肚食熱狗
然後用最平價方式閃人
日落之前撤離
今次塞到爆袋都唔過重, 由邪惡地方離開只有5.6KG
睇下塞到有幾爆
去旅行, 力已盡, 再多都攝唔入, 對朋友算係有膠袋
打埋飯底先上機
摩利支天知道地球保衛隊鬆人, 又出來搞事
放核旦添, 隊員今次又當睇唔到算數
返回主目錄