話說報咗巴士一日遊, 係時候試下咩野料, 今日主要目的地去名護市參觀水族館, 上到車見到有人俾錢, 原來係網路預約後, 去到現場附款, 由那霸市去名護市要2小時有多, 巴士沿路經過唔同酒店會停低接人, 最後接到爆車, 咁都俾我報到名算係好彩。
我住間酒店距離巴士團接送點要步行10分鐘路程, 沿路有特別景點參觀都唔會悶, 由於趕時間, 參觀唔到共產黨免費吹水房
想拜師學集體自衛拳又唔夠時間
接送點就係呢間嘢對出路邊, 俾晒錢就只係講個信字, 揸住張紙仔企響度等
終於都等到, 證實冇俾人老點, 原來架巴士同張紙仔個圖嗰架一樣, 好容易認, 仲有埋令女導遊添
頭幾站已經接咗人, 我要座到第6行
沿路都有接送點, 有時停耐少少放人去廁所咁
廁所出面個海好鬼正
行咗成個鐘車來到恩納, 都仲有人上車, 最後一批人響万座海灘ANA酒店上車, 全車爆滿
車上最多客人講日文同普通話, 有2個西人講英文, 令女導遊姐姐主要都係用日文
第一站係呢度, 其實都冇研究過係乜, 睇蝴蝶咁話
二話不說就去樓上隊左個團餐先
團餐係沖繩拉麵, 都OK好味, 再送入場劵同優惠劵咁
睇返餐牌都仲有好多選擇, 可以加料都得
呢度好明顯係買記念品格局
我都忍唔住買兜海葡萄作為記念
見到有個門口寫住去蝴蝶園方向, 就行咗過去, 原來係山邊
蝴蝶園門口, 不過好流, 冇人收入場劵, 即係入場劵係多餘
竟然用假花老點蝴蝶飛埋去
樹葉就係堅料
幼蟲都係堅料, 成個蝴蝶園其實係溫室, 得一種蝴蝶, 流流地咁, 去香港公園座3個字睇到仲多款
跟住就去重點項目睇魚, 架車響停車場停低, 要認住個樣自行返上車, 所以就拍左張車頭相方便辨認, 其實都好易認
成團人跟令女導遊行, 未到夏天都曬到傻, 熱到出晒汗
海洋博公園都好大地方, 認真行晒點都要大半日
對出個海同對面個島都好正
入場劵到手, 就係自由活動時間
一入去最先係睇最弱雞海洋動物, 就算不停咁摸佢佢都係吹你唔漲
摸完仲有洗手位
之後係睇海鮮酒家淺海魚, 例如大石班2味, 香煎黃立倉嗰類
清蒸大蘇眉都有
呢啲就唔好響菜單出現, 啲人見到唔做人情就慘
仲有魔鬼魚同金槍魚呢啲深海魚
睇完魚行出去, 如果想返轉頭再睇, 記得要搵職員吸返個手印
海龜館
淨係得海龜睇
趕唔切海洋劇場, 點知撞啱餵海豚時間
可以近距離參觀
講係餵, 但係都要做動作先有得食
咁跳法食咗都補唔返
跟樓梯落去有個靚海灘, 有人以自己方式同海灘合照
去到呢啲位, 要出動私人珍藏
好想除衫跳落去
但係一定拮腳拮到爆晒
團友忍唔住向記念品落手
咁大個口但又冇牙, 牙醫做唔到你生意
參觀水槽頂部
臨走前, 預少少時間參觀入口一帶
公園有繩網玩不過大人唔玩得
最多都係去到6-12歲
掛住行去睇魚都冇參觀出面個公園
雖然係免費區域, 都有啲搞作
名護菠蘿園, 又係要派入場劵, 又係冇人檢查
菠蘿園重點就係睇菠蘿
嫌細可以睇呢隻鎮店之寶, 但睇菠蘿只係幻覺, 賣菠蘿產品先係真正業務, 試咗菠蘿酒唔掂, 菠蘿旦糕就OK, 菠蘿批都好味, 想買就好買因為機場冇
我冇玩菠蘿車, 望見啲人玩得好開心咁, 自動車冇得控制都咁好玩?
成車人買到1袋2袋菠蘿都仲未夠, 再整多個玻璃工場你嘆
見到咁大堆頭放埋一齊都幾吸引, 但係毒我唔到
唔買唔緊要, 可以參觀玻璃工人開工狀況, 如果想玩, 可以附費玩埋一份自製都得
令女導遊一定係奶過好多次野忍唔住買到成屋玻璃, 所以離遠玩手機都唔敢行埋來
離開玻璃工場之後又有菠蘿, 1人派1兜仔菠蘿雪糕堅好味, 細細杯啱啱好
轉頭再整多嘢玻璃筷子座, 呢次真係又食又拎, 唔買嘢都有啲嘢拎走
回程一路座車一路睇住日落
直到天黑先返到那霸, 搞埋啲手尾都8點幾, 又係超市減價時段, 買來洗衫嗰時當宵夜就最正
晚餐輕強啲食麵就夠
就咁又一日, 早抖 返回主目錄