猴年行大運最後一站, 靠網路少量資訊冇書冇SET行程, 乜都唔諗, 做巴士痴漢, 順其自然。
夜機到那霸已經9點幾, 落地就跟住人行入去貨倉
等行李地方由貨倉改做而成, 行李帶由真人飾演
經過見到免稅店收咗檔, 賣啲嘢好似唔係好對路咁, 先唔理咁多出去再算
遊客買24小時飛應該係指定動作, 跟住返房瞓
第日起身去邊度好? 去到車站就解決咗聽日, 但今日仲未解決
事關車站有好多紙仔插晒響度任人抆, 抆咗1張就直接操去佢大本營落度ORDER
趁車飛未過時, 去沿線行下, 就諗起首里城
首里站落車唔知點解就會好自然咁企咗響巴士站度又唔知點解上咗巴士
無啦啦揀個站落車行2嘢見到呢個門口, 睇落都算似樣, 應該冇落錯車
呢度門做到世界遺產會唔會有啲過份
就算係都揀呢度門做世界遺產, 似樣好多
比起日本城來睇, 首里城牆身冇咁商, 路冇咁斜
呢塊石刻寫住康熙時期, 唔知堅唔堅
上到頂有跳舞表演, 動作好慢行來行去咁, 拎啲嘢出來又收返埋嗰種
拜神位要收入場費, 又唔係來拜神, 飛咗呢度
劇集男主角飛咗人或者俾人飛咗都通常會上天台或者去高處
我飛咗拜神嗰度就梗係要去高位望下街先係合理
原來上咗高位就會見到飛咗嗰度半面, 忽然覺得劇集男主角真係有啲料到
有冇人知起城牆點解要起S形? 有咩野優點?
望完個城行返出去見到停車場同遊客中心, 唔通呢邊先係入口?
冇理咁多出入口, 行冇耐搵到真珠道
睇唔出邊個部分似珍珠
石砌路咋掛, 好似中環石板街嗰啲
發現好多門口都有個石敢當, 據了解, 可以辟邪, 擋煞, 消災解難, 煙酒過多, 睡眠不足等多重功效
原來石砌路好似迷宮咁架
呢間叫村屋, 入面乜都冇, 地方唔係好大
呢件石敢當應該頂咗好多唔老泥嘢
石砌路一帶啲屋都跟返砌石個款
忽然之間熱鬧起來, 有旅行團
來到石砌路入口, 見到成團走咗入呢間度開餐
跟住唔知做乜好, 諗起與儀公園有櫻花祭, 行去襯下, 點知行行下唔對路, 改為爆的
爆的10分鐘內就去到公園入口, 見到咁樣, 唔通係開緊檔?
見到呢啲應該穩陣, 冇去錯地方
好似未開咁款喎, 10%都冇
咁樣款喎, 想點先?
說好了的櫻花祭呢? 今日2月12喎
既來之則安之, 唯用有限拍攝技巧去欣賞
控埋去睇唔好睇大景就自然覺得多啲花
咁就可以達到自我感覺良好
另一邊啲花比較密但都唔係開得好多
同埋唔鍾意呢種色
睇完櫻花祭去國際通散步
工藝品都好鮮艷同埋個樣好開心
作為香港人見到有人喺街隻揪, 當然要影佢相放飛卜呃LIKE
佢2兜友打成個月都仲係攬埋一舊, 最後我爆氣解決咗佢地
沖繩好興午餐肉?
卡樂B店多數都賣BOXSET冇散裝賣, 想買來即刻試又多得滯食唔晒
見到有幾間食燒肉, 試一個套餐, 圍起上來1舊水港幣, 份量夠又好味
食飽咗步行去波上宮, 途中見到呢個入口, 仲忽然落雨, 咁就唔駛諗, 入去避雨
入咗去又即刻停雨, 都入咗來就行個圈
呢度原來叫福州園, 無料參觀
一睇就知係中國式建築, 仲有12生肖橋
又有大魚池
呢間唔知咩野房冇入去參觀
圍牆都有雕花
亭台樓閣有山有水有魚咁, 非富則貴
向住天唔通要同外星人飲杯
好在我都早有準備, 飲杯
不可居無竹原來就係咁款
八掛完之後, 襯未天黑去波上宮, 但行咗去沙灘
個牌寫住禁止遊水, 見有條橋響度擋住晒都冇乜FEEL遊水
有路兜去沙灘另一邊但揀住, 應該係危險唔俾行
行返過去睇波上宮
有咁多人唔老泥, 紮晒響度
唔係拜神, 望下波上宮就算
行返轉頭經過間沖繩咖啡屋, 好有特色
內部環境比較暗, 要開大ISO拍攝
2個人包場
團友寫記念冊, 一路寫一路聽到有磨咖啡聲, 原來係即刻整, 唔係沖定晒
沖繩咖啡咁多泡? 加咗洗潔精? 啜落幾好味
團友呢杯係第2款味, 有啲椰子味咁
又行返去國際通, 見好多手信店都有度午餐肉牆
一堆杯放埋一齊真係幾吸引
經過水族館店門口, 入去索下料, 睇下聽日有乜玩, 見到資料寫入場要1800, 座巴士又要3000幾4000, 今朝早報團咪好抵玩?
上2樓又見到有好多魚缸, 可以止下咳
星期5夜晚國際通都係唔多人
行行下肚餓, 見到有間沖繩料理叫龍泉, 好似香港桑拿嗰啲名咁
就試下龍泉桑拿囉咁
餐牌唔貴
叫咗海葡萄
苦瓜炒蛋最正又大兜
魚生相對地失色, 唔會再考慮
炸豬手好有驚喜
苦瓜條都好得, 食完返去瞓
瞓前拎張報團飛出來望下, 4800YEN一人都算係抵到爆, 聽日出發就知
賣咗一支試, 非常之唔掂, 怪味
靠四圍抆紙仔就咁玩咗一日, 早抖 返回主目錄