半年前講起, 見到有主題講夏祭, 有晒框架大方向, 夾到就夾夾唔到就各自發展, 唔使考慮PM就成為咗隊員。 實際行程由自己決定, 趁早到有時間, 第日早上去隅田川花火大會一帶霸位。
10日行程長距離移動唔帶咁多嘢, 留返空間其放他, 器材控制於5KG內, 亦都係唔夠火力對抗海量姐姐關鍵所在
實測腳架可以跟手提行李登機
花火大會聽晚先開波, 肥仔金就搶先一日
冇考慮到太早起身去換JR PASS但未開門, 蠢咗
實測企門口死等係可行, 成功換票
品川出發去浅草一車過都算方便, 吾妻橋路面都開始做封路準備
已經唔可以接近河邊
遊人都自己方式佔據有利位置
我都早有準備, 屈神屎就係記認
佔領有利位置後發現大風會吹走, 於是四處去回收桶搵膠樽去公廁入水, 搞咗成個鐘, 之後冇任務就行下雷門一帶
小食都係而家準備開檔
巧多人呢, 人撞人好似MK咁
30幾度又曬又人多, 算數啦都係離開呢度
正呀喂, 我估全部都係男人扮, 俾我就唔走埋去R相影
離開雷門鬆動好多, 但係望到身後有雨雲, 不妙
步行去上野順路參觀砂煲罌罉街
唔覺又去到上野, 又唔覺行咗去秋葉原, 再唔覺又行返回頭路
返轉頭順路參觀下谷神社
再參觀鰻魚飯
已經下午4點, 估唔到返到來個有利位置仲健在, 聽則邊人講今朝早8點已經坐住響度
不幸事件發生, 落大雨全身盡濕, 以為保得住個袋面, 但袋底入晒水, 幸好有現金同JR PASS幫忙索走大量水份, 隊友就響呢個時候親身送上祝福(一罐ASAHI)
祝福係短暫而雨勢有所持續, 加上人潮控制所以放棄拍攝, 離開現場改為移動觀賞
一路向南千住移動一路睇住1個個咁爆
因為一帶建築物唔高, 所以行到好遠都可清楚欣賞花火大會, 只係比較細粒, 而南千住呢邊就得呢度幾十人, 唔使逼
晚餐食印度菜飲印度啤慶祝首日順利
講返個大會, 1粒粒放可以放足個半鐘, 好多人近距離睇下, 同香港大堆頭鬼死咁熱鬧1嘢過放各有玩法
返回主目錄