最後一日濟洲, 安排好全日時間招呼牛島, 留返下次有藉口搞漢拿山, 交通非常簡單, 市外巴士站710直爆到尾就得。
早餐求其食麵包
估唔到幾好味
唔想買飛可以拍T MONEY, 同司機單聲邊度落車就得
早少少去排隊唔好咁抆, 人太多就要企位
710係行上山路線, 見到風電場就代表已經落緊山
個半鐘左右就到城山港
記得影低時間表, 唔好玩得太盡
呢款石好似響西貢都有類似
城山港外觀, 非常之易認
第一時間走去買飛, 原來唔係
要填表先可以買船飛, 來回飛要同時填2次表
唔想立即上船的話, 碼頭有地方你休息有飲有食
要上船可以就咁行埋去, 自然有人收飛
人車相同入口, 人行埋一邊就冇問題
紅白燈塔
船上空有好多雀仔搵食
班次好密唔需要趕時間
成班雀響度呃蝦條, 有蝦條都唔益你
船程20鐘左右, 海面都幾大浪, 聽講太大風會停船, 要注意下
船內冇座位全部座地, 要除難
好快就到牛島
一開門就衝
好多人圍住個紅燈台
碼頭好簡單乜都冇, 跟人直行就得
牛島最高點只得100米
歡迎光臨牛島
行到街口好自然就會見到租車店, 有電動3輪車, 有電動2輪車, 有電力輔助單車
問負責人, 除左單車之外, 其他都要國際牌, 我租咗單車
負責人建議順時針綑邊, 對面就係日出峰
間中會見有件藝術品HEA咗蟹度
直接呃LIKE
團友扭到盡都唔係踩單車
我慳電慢慢踩
呢種地方都唔知係田定係咩野
沙灘就好吸引
最衰冬天啦, 如果唔係實跳海
靚到冇朋友, 係大浪咗啲同埋有石之嘛
有海女像就即係可以落水啦... 我估
沿路都有小食店
牛島另一個碼頭, 距離頭先落船唔遠, 1公里多少少
咁樣石底就唔好落去, 唔夠5秒一定拮到爆晒肛
似捉魚船又似遊覽船
好大風, 會不定時吹水上岸, 濕水位要睇定先過, 唔啱時間就濕晒, 前面架3輪車就中咗
唔知今日大風定新年放假, 定係本身就開好晏, 唔係全部開店
S灣位好玩
向白燈台前進
影相係例牌嘢
全個島都係石頭黑抆抆咁
又係呢件螺, 只係轉咗色水
好多石塔砌咗響度
我都加塊大大件上去
石邊小花
團友又扭到盡, 我又要死追
到第2個沙灘
又有海女像照計都可以落水掛
停埋一邊搵小食
炸大蝦薯條撈年糕, 估唔到大蝦好味, 薯條年糕就正常
如果係夏天又係會跳海
周圍都有餐廳
見到民宿, 夜晚出去睇星等埋日出都不是夢
油菜花田... 出面
油菜花係由呀豬媽種出來, 入去影相就俾1村人
雖然夾硬響出面影吹你唔漲, 但我係唔會佔呀豬媽便宜
搵到上頂路線, 封咗
呢個位好似叫鯨魚窟, 唔知係唔係, 冇落去玩
最後冇登頂, 返轉頭交車
環島路線圖
去程船飛收咗, 拍低回程飛
海女抗日有意思, 諗起醉拳甘迺迪
玩到黃昏, 夠鐘撤退
冇蝦條呃就粟米片都照殺太冇性格
咁熱氣, 返煲夏枯草飲啦
雀多到想淨係影個後景都冇可能
落船就散晒冇雀
行到車站已經成堆人
人多混亂, 自己方式上車
上得慢就要企位, 或者等下班
個半鐘左右到濟洲市
食過返尋味, 再去東門
趁天未黑拍夜景
天黑晒就冇咁靚
中秋紙札花燈咁款
又有地下街
發現退稅機
即管玩下
搞極都失敗, 最後了解到, 張單響首爾出, 呢度退唔到
晚餐食傳聞出名海鮮窩
收得5皮幾嘢斷估都正掛
個窩來到真係好掂, 見到全部海鮮掙扎當中, 八爪魚想擒出來咁滯, 食落就普通料, 湯底唔好味, 香港餐廳處理同一兜嘢會好味好多
食完搭巴士返去, 都只係9點未夠, 已經好少人搭車, 聽日去首爾準備探肥仔金
返回主目錄