首爾行程最後一日, 去啲就腳位望下歷史建築物。
今日都係唔早起身, 太陽曬醒
傳聞景福宮有大內密探, 地球保衛隊隊員到達之前首先要變身, 但更衣室又窄又冇門鎖, 挑戰性好高
作為隊員, 儀容係好重要, 照鏡係必要, 呢度咁多鏡可以1次過唔同方位睇晒包冇甩轆
出口要經好長地道前往
可能洩漏左咗風聲, 一來到就見到啲大內密探撤退緊, 走都走唔切
揸大旗嗰幾個都收到風要撇
守衛係光化門人
相傳光化門門主一身橫練鐵布衫未逢敵手
守衛只練鐵布衫第二重天, 雖未至於刀槍不入, 但已達到唧都唔笑境界
仲有一個特徵, 就係好似碌木咁
就算點樣打佢都唔會驚你
守衛一碌木係優點但有嚴重破綻, 地球保衛隊隊員輕易就行咗入去, 佢都依然企響度
勤政門係光化門門主處理大小事務地方
點解搵來搵去都冇大內密探?
連陰濕位都搵過, 影都冇
搵到去辦公室, 好明顯門主一早已經聞風而逃
經詳細了解, 因追上時代, 門主已經唔再叫門主, 而家叫勤政首長
點解勤政首長要走咗去? 原來俾人追數, 成堆債主已經追到上門添
債主四周圍刮都未見門主
好啦, 既然門主怕咗佢哋, 試下去佢屋企搵佢, 立即去到北村
點解關晒門人影都冇個?
隊員去到北村又食閉門羹, 最後放棄, 將失敗轉化成買鞋
行行下再發現光熙門
光熙門真得一對門, 冇其他
公園長櫈中間有障礙物, 隊員曬公園無望
上飛機前食飽先
雜項
郵局辦公時間, 寄EMS留意
室內機動遊戲真係未見過
地鐵度玩手機係好正常
隊員與大匙羹已達成合作協議
2.2KG海鮮會爆煲
手機可自由換電有乜好處, 唔駛講都睇得明
第一次去韓國全部斷估行程終於完成, 移師大阪, 多謝參觀。 返回主目錄