今日又做電車+巴士痴漢, 搭長途地鐵去水原站, 轉37號巴士尾站落車就係韓國民族村門口, 車程連等候時間加埋接近2小時。
地鐵特色係特別多梯級
來咗幾日, 發現四周圍都有啲好似香港公屋咁款建築物
地鐵車廂好怪, 有人推銷, 竟然有人買
到達水原市出地面, INFORMATION出面就係巴士站
呢度有非常之多路線
今次座37號到尾, 車程接近成個鐘
地上仲有少少雪
民族村售票處, 有2款票價, 唔玩遊戲區平啲, 我選擇唔玩
入場後最先就係買小食
豆沙包少甜幾好味
魚乾極正, 搞到臨走時搵呀姐燒多塊
入口係古代建築物景區, 主要係參觀及拍攝
條牛係堅野, 有對白, 不時會發出55聲
一場來到都要拍下到此一遊照
如果識講識聽, 可以搵占卜師吹下水
我去咗同大匙羹傾整泡菜心得
見到呢啲場面, 斷估都係有得黐飲黐食
越睇越似樣, 成村人操埋來跳晒舞, 應該有著落
距離成功不遠了
呢啲環境緊係又食又拎啦
不枉我等咗15分鐘睇晒佢跳舞, 得到1舊飯同1杯唔知咩野酸酸地咁, 計落都係值得
跳舞跳到去廣場唔通又有得黐餐?
睇晒佢跳舞成廿分鐘竟然拍下囉柚就散隊乜都冇, 今次蝕, 咁啱另一邊廂, 又有人正在示範如何高空工作唔用安全帶
突然之間衙門傳出慘叫聲
行過去睇, 原來有人被打一大板, 仲要係自願
另一邊又有人自願夾腳, 唔通呢期興?
肥哥仔又學人自願夾腳, 點知整斷條麻繩都未夾到佢隻腳
官差大人指派犯人換過條新繩再夾過, 點知唔夠力, 最後放棄
官差大人因咩事陰陰咀笑呢?
原來佢點人地去夾腳, 自己就溝女
再行過啲又搞乜鬼?
原來係騎術表演
睇完表演四圍行下, 都差唔多要鬆人
座返37巴士
今次唔去水原站, 5分鐘巴士, 去上葛站落車轉地鐵
黃昏去到鷺梁津觀摩海鮮檔, 撞正日落
市場內部
團友搵負責人, 聲稱2人份量叫佢每樣執啲
執咗2.2KG另外搭多幾隻青口, 20000WON埋單
團友與負責人合照
問負責人係唔係拎上2樓煮, 佢話唔駛, 由呢個出口行出去就見到間嘢可以煮
出到去一望就係得呢間
內部環境, 全部本地人冇遊客, 咁我咪係遊客囉
揀左一品鍋煮法, 收15000加工費連4小碟, 另加2000人頭費
自製醬料碟
食食下先望到, 原來寫到明收人頭, 冇老點, 整體上加工得唔錯, 雖然唔係超平, 但都係合理, 冇後悔
再返入市場沿路離開順手影多2嘢
時間尚早, 去漢江影橋景
又凍又大風人影都唔多隻, 都係撤退
最後炸雞啤酒宵夜
本日行程完成 返回主目錄