團友話要住一晚海雲臺, 等我可以影日落日出咁話, 就將行李留響酒店度, 海雲臺瞓一晚, 冇行李跟身可以直接順路去玩。
海雲臺出口等巴士去海東龍宮寺
基本上唔需要睇站落車, 跟成村人落就得, 唔需要搵路, 成村人會帶你去
見到逼爆人群就即係入口, 衝入去啦
穿過人群後有小休位
海東龍宮寺係海邊建築
韓國人好興用頭頂住啲嘢行街, 見有呀豬媽用頭頂住行, 頂住啲嘢座響度就第1次見
逼到好似過年去黃大仙咁
好多人都1袋2袋咁放佛像面前
個鐵欄唔知係唔係打風吹爆咗呢?
崖邊唔高, 行出去都算安全
舊石明顯係人工砌上去啦
隊員同豬頭大合照
隊員連豬囉都唔放過, 點解2個豬囉唔同款?
無啦啦發現有光頭仔小擺設
呢個佛像好似有啲嘢但係又唔知咩嘢
大雄殿要排隊
拜觀世音都要排
於高處拍攝全景
唔想排隊, 自拍到此一遊
都係用中文好睇啲
等1個字先拍到樓梯冇人
掉錢落個兜度即係掉錢落海, 直接用來助養山區兒童好過 <== 我係山區兒童
另一邊都一樣咁熱鬧
啲石3尖8角竟然搵到位座
冇原路走, 由紅龍橋撤退
呢度海邊都幾多嘢睇
仲有人響度捉嘢
紅龍橋撤退路線圖
行返去巴士站座車去機張市場
機張市場全部都係食
新鮮炸好特別好味, 熱辣辣
冇試呢兜野, 吸引力唔大
唔開檔用來曬喊魚?
大量食蟹餐館, 間間都好似黃黃地色咁, 唔知係唔係大集團
海鮮檔都幾多款式, 但好似少人買
都來到咗, 俾人劈就劈啦, 食蟹
入到去睇, 原來都唔少人俾人劈
只係叫咗3隻蟹, 唔知點解變咗1兜2兜咁
差啲蟹都冇位放要放地, 搞咗2粒鐘食到飽晒座到腳軟, 加埋啤酒汽水, 要60K買單, 門口有免費咖啡機唔好蝕飲咗一杯仔
今晚瞓東橫, 貪佢近沙灘2分鐘路程, 方便影日出
慢慢行都唔使3分鐘
雖然涼涼地, 都有人游水
打風吹爆咗條樓梯
行行下冇幾遠見到條廢鐵, 冇跟住行晒, 望下算, 因為去等日落
呢個又似餐館又似碼頭, 好怪
日落時段, 好似冇乜睇頭, 可能要食白果
一舊大雲擋住晒添
臨尾先吹散但係都冇乜睇頭, 收檔算
亂咁行撞咗去食雪魚湯飯, 唔係超好味, 正常嘢
件蛋都係一樣, 正常嘢
餐館門口
今晚早啲瞓聽日等日出, 本日行程完成, 早抖 返回主目錄